Тав дахь өдөр нэгэн хөөрхөн кино үзсэн нь Бриттани Мэрфигийн тоглосон “The Ramen Girl” юм. Гол санаа нь трэйлэр дээр урсаж байгаа “Ид шидийн орц ямагт зүрхнээс гардаг” гэдэг үгэнд багтаж байгаа. Аливаад зүрх сэтгэлээсээ хандах ёстой. Маш гайхалтай философи. Тэгээд л нөгөө нийцэмж зохицол, мэдрэмж гээд хүнийг хүн болгодог, хүйтэн оюун ухаанаас хувь илүү ухагдахуунуудын тухай дахин эргэцүүлэхэд хүргэлээ. Дээр нь япон аж төрөх ёс, түүний гүн ухааныг бишрэн хүндлэх, түүнээс суралцах хүсэл дахин оволзов.
Нухацтайгаар бодоод үзэхэд би зүрх сэтгэлээсээ ханддаг зүйлсээ дандаа хойшоо тавиад байгаа л даа. Лав сүүлийн хоёр жил. Яг өнөөгийн байдлаар киноны гол дүр Абби-гийн өмнөх байдалтай би их төстэй явж байгаа мэт. Кино үзээд бодлогоширч бодлоширч бараг стратегийн шийдэлд хүрэхээ алдлаа хэхэ. Бас сүүлд нь түүний найз залуу компанид ажилладаг ажлаа орхиод өөрийн дуртай хөгжим зохиох ажилдаа орж байгаа нь гал дээр тос нэмэв.
За энэ тэрлэлээ Аббигийн “Рамён” хоолны газрын эзэнд шавиар орохдоо хэлдэг “I wanna make people happy like you” гэсэн үгээр төгсгөе дөө.
Киноны албан ёсны танилцуулга видео нь ...
Харамсалтай нь гол дүрийн жүжигчин, хөөрхөн бүсгүй он гарахын өмнөхөн нас барчихсан ...
1 comment:
The sounder your argument, the more satisfaction you get out of it.
Post a Comment