Сургаалт Монгол үгс

Монгол ардын сургаалт үгс бүхий нэгэн бяцхан ном уншив. Та бидэнд дор тэрлэсэн үгс цаг ямагт хань нөхөр, чийдэн лааны үүрэг гүйцэтгэх болно хэмээн итгэж шивлээ.

Цээжний дотор гал бадравч
Утааг нь хамраараа бүү гарга

Эрдмийн дээд эв
Эрхмийн дээд эх

Ойр зуурын жаргалд ташуураад
Алс хэтээ үл бодогч хүн нь
Алахын тул бордсон гахай
Ажиггүй хэвтэхтэй адил

Үнэнд ижилдвээс цэцэн болно
Илдэнд ижилдвээс баатар болно

Анханд болгоомжлон бод
Дунд нь шинжлэн оноо
Эцэст нь зохилдуулан тавь

Эрт бос, орой унт

Өр хадгалсан үгүйрдэг
Өвчин хадгалсан үхдэг

Сайн хүний үг
Сарын хүнс
Муу хүний үг
Тэр өдрийн тээр

Сайн эр урдаа шархтай
Муу эр хойноо шархтай

Сайнтай бүү мэлз
Муутай бүү болз

Санаа муут дотроосоо
Сав муут ёроолоосоо

Толь шиг царайлгаас
Тунгалаг сэтгэл дээр

Тэмээ хүрэхгүй өвсийг
Ямаа идэх гэж дурлах

Ургамлын сүр цэцэгтээ
Улсын сүр цэрэгтээ

Урт мөрөн нугалаа олонтой
Уран хүн арга олонтой

Үйлгүй хүүхэн дууламхай
Сүүгүй үнээ мөөрөмхий

Үнэг үсэндээ үхнэ
Хүн үгэндээ үхнэ

Үнэн явбал үс цайна
Худал явбал яс цайна

Хаврын тэнгэр хартай
Хайш хэрэг хортой

Хайнгуут үйлчний
Ханзлах нь олон
Хайнга хүний асуух нь олон

Хамуутай мал ижлээ бардаг
Хар санаа ханиа бардаг

Цэцэнд хоёр чих цөөдөх
Тэнэгт ганц хэл олдох

Шилсэн юм шилд гарах
Голсон юм голд орох

Шинжлэлгүй бүү сэтгэ
Сэрэмжгүй бүү зүтгэ

Инээсэн бүхнийг нөхөрт бүү тооц
Элгэн садан хэмээн итгэлтэй үгээ бүү өгүүл
Хөгжүүлэв хэмээн хөөрөх сэтгэлийг бүү оруул
Хөнөөлтэй хэмээн дайсанд бүү өшөөл

Аавын бийд хүнтэй танилц
Агтны бийд газар үз

Ажил хийж хүн болдог
Ар давж хүлэг болдог

Айвал бүү хий
Хийвэл бүү ай

Арчилбал эдэнд тустай
Арвилбал эзэнд тустай

Барж идэхээр
Мэрж ид

Биеэ мэдвэл хүн
Бэлчээрээ мэдвэл мал

Гахайн хоншоор газар эвдэнэ
Хүний хоншоор хэрэг эвдэнэ

Гэрт суусан цэцнээс
Хэсэж явсан тэнэг дээр

Далай ч гэсэн давсаар дутдаг
Дагина ч гэсэн эрээр дутдаг

Зуун хүний зүс үзэхээр
Нэг хүний нэр тогтоо

Зээлийн үгээр цэцэн болдоггүй
Жасын малаар баян болдоггүй

Наймаалж олсон мөнгө
Найман хөлтэй

Ойрдоо мөргөлдөнө
Холдоо мөөрөлдөнө

Олон санаат оргож чадахгүй

Өнгө хөөсөн хүн саламтгай
Өвс хөөсөн мал эцэмтгий

Хагацашгүй хань нөхөрт
Марташгүй муу үг бүү хэл (Оюунтүлхүүр сургаалаас)

Цувж явсан барсаас
Цуглаж суусан шаазгай дээр

Тугалган жад шантрах нь хурдан
Туйлбаргүй хүн урваж буцах нь олон (Данзанравжаа)

Олны дотор үгээ шинж
Ганцаар явахад сэтгэлээ шинж (Данзанравжаа)

Харь газарт битгий нэрэлх
Халуун зуураа битгий эрэлх

Нялх ногоонд хур хэрэгтэй
Нялх хүүхдэд сургаал хэрэгтэй

Зарим хэрэгт өвс мэт доош дарагдаж байвал зохино
Зарим хэрэгт гал мэт дээш бадран байвал зохино
Зарим хэрэгт зарц мэт хүчлэн зүтгэж байвал зохино
Зарим хэрэгт уул мэт бат сууж байвал зохино

За нэг сайхан морин хуураа магтчихая :-)