Уг киног үзэн доорхи агуулгыг буулгалаа.
Хан эцэг минь, Жамух анд минь, та нар дайныхаа олзыг хувааж авцгаа. Надад юу ч хэрэггүй.
Тоорил хан:
Жамух сонсов уу? Би Есүхэйн хөвүүнийг ийм их баян хүн гэж даанч мэдсэнгүй. Тэмүжин чи эх, дүү нараа аваад Туулын хөвөөнд ирж, миний хүрээнд суухтун. Тэгэхгүй бол чи эхнэрээ дахин алдаж, надаас тусламж гуйх болно. Тэр цагт чи юугаараа миний гарыг цайлгах юм бэ дээ? Эсвэл хар булган тахаа эргүүлж авах уу?
Тэмүжин:
Болжмор хэдий жижигхэн ч бүргэдээр үүрээ засуулдаггүй. Би эрснээ олж, алдсанаа авсан болохоор сэтгэл минь ханаж бодол минь чивчрэв.
Жамух:
Тэмүжин зөвийг болгоов.
Тоорил хан:
Болтугай болтугай.
Жамух:
Анд минь, орой манай асраар буугаад мордоорой.
Боорчи:
Тэмүжин, чиний Тоорилыг мохоосон үг удахгүй олны сонорт хүрнэ. Энэ чинь бидэнд том олз.
...
Таян хан:
Жамух, чи миний цэргийг зас. Тэмүжинг чамаас илүү мэдэх хэн байдаг билээ.
...
Жамух:
Маргааш Найман аймгийн мөхлийн өдөр болно. Харин хоёул тэр мөхлийг үзэж яана вэ? Алив хөдлөе.
Хантөмөр:
Хаашаа, дахиад л сүүлээ хавчаад зугтах гэж үү?
Жамух:
Тэмүжиний аманд Найман аймгийг авчирч хаялаа. Энэ чи бид хоёрт хангалттай бус уу?
Хантөмөр:
Би таныг ер ойлгохоо байлаа. Тэмүжин чинь таны дайсан шүү дээ?
Жамух:
Би тэрний дайсан мэт нөхөр нь, нөхөр мэт дайсан нь. Цаашид юу болохыг тэнгэр мэдэг. За хөдлөе.
...
Тэмүжин:
Жамух ялагдлыг тэвчиж чаддаггүй хүн. Тэр гэргүй явж, нэргүй үхэхээр шийджээ. Борчи чи яв. Тэр үлдсэн насаа миний хажууд өнгөрөөг.
...
Хантөмөр:
Гүр хаантан минь, та бид хоёр ингэж гуринхалсан чоно шиг уул хадаар хэрэн тэнэж явахын оронд Алтан улс руу тэмцэж очвол дээр бус уу? Тэд Тэмүжинийг хүчирхэгжихийг зүгээр нэг хараад суухгүй нь лавтай. Магадгүй бидэнд цэрэг хүчээ өгч туслах ч юм бил үү?
Жамух:
Чиний хэлдэг үнэн ч байж мэднэ. Гэхдээ чи наад хоёр нүдээ нээгээч! Чамд юу үзэгдэнэ?
Хантөмөр:
Би юу үзэх ёстой гэж? Би Гүр хаан таны гархилсан нүд, сайртсан царайг л харж байна. Хорсол заналдаа шатаж солиорохыг чинь үзэж байна. Би өөр юу үзэх ёстой юм бэ?
Жамух:
Алтайн нуруунаас Хянганы нуруу хүртэлх олон голын монгол аймгийг Тэмүжин бүгдийг нь нэгтгэж авав. Тэмүжинийг хурдан дарж авахыг Алтан улс хүсэх нь мэдээж. Чи ийм золбин үгийг наад амнаасаа дахиж бүү унага! Тэгэвч би Тэмүүжиний дайсан болохоос биш Монголын дайсан биш! Би хүний нутгийн чулуу дэрлэх гэж олон голын хөндийд төрөөгүй юм шүү.
...
Тэмүжин:
Анд минь, Монголын төлөө цохилох чиний зүрх зогсоогүй байна.
Жамух:
Гүр хаан Жамух Тэмүжиний хүлэг баатар болох гэж үү? Миний анд Тэмүжин намайг өршөөж болно. Хөх Монголын Их Төр намайг өршөөх ёсгүй. Иймээс чи миний сүүлчийн хүсэлтийг гүйцэлдүүл. Монгол морины туурайгаар дэлхийн дайдыг хэмжиж, дорно зүгт наран хаанаас мандаж, өрнө зүгт наран хаана жаргадагийг үзэгтүн. Чи бид хоёр нэгэн дор үхэж болоогүйн адил нэг дор амьдарч болохгүй тийм цаг иржээ. Хөх тэнгэрийн зарлигийг дагаж амьд үлдэх эрхийг ганцхан чамд үлдээе анд минь.
1 comment:
Funny movie.
Post a Comment